Ek het vanoggend vroeg asook vanaand so 'n tydjie afgeknyp om tussen Durbanville en Klipheuwel te gaan voëls kyk. Vanoggend was half terleurstellend omdat ek niks interessant gesien het nie, maar vanaand het darem daarvoor opgemaak toe ek weer 'n Edelvalk naby Durbanville gesien en afgeneem het. Die valk het amper voor my lens ingesweef toe ek besig was om 'n Geelbekwou af te neem en al wat ek moes doen was om my kamera effens weg te draai van die Geelbekwou en die knoppie te druk. Ek het ook 'n Geelborsstrandkiewiet met haar kuiken naby Klipheuwel gesien. Ek het ook 'n Edelvalk by Klipheuwel gesien, maar dit mag dalk dieselfde voël gewees wat ek nader aan Durbanville afgeneem het sowat 20 minute daarvoor.